Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शनिवार, आषाढ १३ गते २०८३
Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
कैलाली । कैलालीबाट प्रहरीले लागूऔषधसहित चार जनालाई पक्राउ गरेको छ ।
धनगढी उपमहानगरपालिका-८ धनगढी गाउँ बस्ने २२ वर्षीय अर्जुन पार्कीलाई अवैध लागूऔषध खैरो हेरोइन १ सय १० मिलिग्रामसहित प्रहरीले पक्राउ गरेको हो ।
यसैगरी कैलालीको धनगढी उपमहानगरपालिका-१० घुइयाघाट जयगुरू गणेश इँटाभट्टा नजिकबाट अवैध लागूऔषध खैरो हेरोइन जस्तो देखिने पदार्थ ५ सय ५० मिलिग्राम सहित ३ जनालाई आइतबार दिउँसो प्रहरीले पक्राउ गरेको छ ।
पक्राउ पर्नेहरूमा धनगढी उपमहानगरपालिका-१० घुइयाघाट बस्ने ३० वर्षीय नाटुल भन्ने राम मिलन राना, ३४ वर्षीय राजेश राना र सोही नगरपालिका-३ घर भएका २४ वर्षीय सन्नी चौधरी रहेका छन् ।
जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
© 2026 All right reserved to onlinenepal.com
Design & Developed By
