लागूऔषध खैरो हेरोइनसहित नागढुंगाबाट दुई जना पक्राउ

अनलाइन नेपाल

मंगलवार , भाद्र ४, २०८१

काठमाडौं । प्रहरीले अवैध लागूऔषध खैरो हेरोइनसहित नागढुंगाबाट दुई जनालाई पक्राउ गरेको छ ।

पक्राउ पर्नेमा इटहरीका सुरेश थापा र नुवाकोटका रामकुमार थपलिया रहेका छन् ।

प्रहरी वृत थानकोटको टोलीले धरानदेखि काठमाडौं आउँदै गरेको बसमा सवार सुनसरी इटहरीका थापालाई ९७.७ ग्राम खैरो हेरोइनसहित पक्राउ गरेको हो ।

थप अनुसन्धानका क्रममा बालाजु माछापोखरीबाट नुवाकोटका थपलियालाई ४ ग्राम हेरोइन र ७५ हजार पाँच सय रुपैयाँसहित नियन्त्रणमा लिइएको प्रहरीले जनाएको छ ।

प्रहरीका अनुसार थापाले कालो रंगको झोला भित्र हेरोइन लुकाएर ल्याएका थिए ।

माछापोखरीमा थपलिया उक्त लागूऔषध रिसिभ गर्न बसेको प्रहरी अनुसन्धानबाट खुलेको छ ।

पक्राउ परेका दुवैमाथि थानकोट प्रहरी वृत्तले अनुसन्धान गरिरहेको जिल्ला प्रहरी परिसर काठमाडौंले जनाएको छ ।

प्रतिक्रिया दिनुहोस्

नयाँ अपडेट

थप नयाँ अपडेट

झाडीमा लुकाइएको अवस्थामा ६ नाल भरुवा बन्दुक फेला