३७ पद रिक्त हुँदा पनि एसपी बढुवामा किन ढिलाई ?

अनलाइन नेपाल

बुधवार , माघ ९, २०८१

काठमाडौं । एसएसपी बढुवामा जस्तै नेपाल प्रहरीको एसपी बढुवामा पनि उस्तै टक्कर देखिएको छ । जुनियर प्रहरीहरुको दबाबका कारण एसपीको बढुवा पनि अवरुद्ध हुन पुगेको छ ।

हाल एसपीका ३७ पद रिक्त छन् । जसमा कारबाही भोगेको र जुनियर प्रहरी अधिकृतहरु बढुवाको प्रतिस्पर्धामा छन् । बढुवाको प्रतिस्पर्धामा सिनियर ब्याचबाट २४ जना छन् ।

जसमा डीएसपीहरू नवीनकृष्ण भण्डारी, दीपक गिरी, रविन कार्की, तिलक भारती, दीपक श्रेष्ठ, ठाकुरप्रसाद पोखरेल, सूर्यबहादुर खड्का, अनिलकुमार खड्का, सुमित खड्का, किशोरकुमार श्रेष्ठ, प्रेमबहादुर शाही, ज्ञानेन्द्रबहादुर बस्नेत, वीरेन्द्र थापा र महेन्द्र नेपाल छन् ।

उनीहरु २०६१ सालमा भर्ना भएका हुन् । सोही ब्याचका टेकबहादुर कार्की क्षेत्री, महेश थापा, दिपेन्द्र पञ्जियार थारू, कुलदिप चन्द, राजन चापागाईं, युवराज खड्का, फणिन्द्र प्रसाईं, केशवकुमार थेवे, मनोहरप्रसाद भट्ट र शरदकुमार थापा क्षत्री एसपी बढुवाका मुख्य दाबेदार हुन् ।

बाँकी १३ पदमा २०६२ को ब्याचका प्रहरी अधिकृतहरु लागेका छन् । जसमा दानबहादुर थापा, रविन्द्रनाथ पौडेल, पवनकुमार भट्टराई, निशान थापा, रामेश्वर पौडेल, कवित कटुवाल, दधिराम न्यौपाने, श्यामकुमार सारु मगर, रुकेश तण्डुकार र सुदीपराज पाठक छन् ।

०६२ को भदौमा इन्स्पेक्टरमा भर्ना भएका पिजीको पहिलो ब्याचका यी अधिकारी २०७२ मा डीएसपी भएका थिए । दानबहादुर तत्कालिन अख्तियार प्रमुख लोकमानसिंह कार्कीको पिएसओ भएकै कारण सबैलाई उछिनेर बढुवा भएका थिए ।

१८ महिनापछि डीएसपी भएका सोही ब्याचका अन्य अधिकृतहरु अहिले शक्तिकेन्द्रमार्फत बढुवामा पर्न लागिरहेका छन् । प्रधानमन्त्री केपी शर्मा ओलीका पीएसओ नवीन कार्की, कर्मचारी प्रशासन शाखामा कार्यरत मुकुन्द रिजाल अहिले सबैभन्दा शक्तिशाली देखिएका छन् ।

उनीहरु टप तीनभित्र बढुवा हुने दाउमा छन् । सोही ब्याचका रुगम कुँवर, भेषराज रिजाल लगायत पनि बढुवाका प्रतिस्पर्धी छन् । डीएसपीमा उनीहरु १८ महिना पछि भएपनि आफुहरुलाई त्यतीबेला अन्याय भएकाले अहिले न्याय गर्नुपर्ने भन्दै लबिइङमा लागेका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

३७ पद रिक्त हुँदा पनि एसपी बढुवामा किन ढिलाई ?