कपिलवस्तु । नेकपा (एकीकृत समाजवादी) का अध्यक्ष माधवकुमार नेपालले एमालेका नीति, कार्यक्रम मुलुकको विकासका लागि बाधक रहेको आरोप लगाएका छन् ।
एकीकृत समाजवादी पार्टीको ११ औं जिल्ला अधिवेशनका अवसरमा मायादेवी गाउँपालिकाको पकडीमा बृहत् आमसभा तथा पार्टी प्रवेश कार्यक्रममा उनले यस्तो आरोप लगाएका हुन् ।
उनले एमालेमा अहंकारी र घमण्डी प्रवृत्ति हाबी हुँदा मुलुकले विकासको गति पाउन नसकेको बताए ।
'एमालेमा दक्षिणपन्थी र व्यक्तिवादी प्रवृत्ति हाबी छ,' उनले भने, 'त्यसैले वर्तमान सरकार भ्रष्टाचारमा लिप्त छ ।'