Jun 28 2026 | २०८३, आषाढ १४ गते
28 Jun 2026 | आइतवार, आषाढ १४ गते २०८३
आइतवार, आषाढ १४ गते २०८३
Jun 28 2026 | २०८३, आषाढ १४ गते
28 Jun 2026 | आइतवार, आषाढ १४ गते २०८३
बुधवार , फाल्गुण २८, २०८१
कैलाली । नेकपा (माओवादी केन्द्र) का नेता तथा सुदूरपश्चिम प्रदेश सभा सदस्य ओमबिक्रम भाट 'सरल'ले सरकारले प्रदेश सभाको अपमान गरिरहेको आरोप लगाएका छन् ।
बुधबार धनगढीमा पत्रकारहरुसँग कुराकानी गर्दै उनले यस्तो आरोप लगाएका हुन् । उनले प्रदेश सभालाई पर्याप्त विजनेश नदिएर सरकारले प्रदेश सभाको अपमान गरिरहेको आरोप लगाए ।
उनले सुदूरपश्चिम प्रदेश सभाको चालु अधिवेशन बजेट अधिवेशन होकि हिउँदे भन्दै प्रश्न गरे । उनले भने, 'सुदूरपश्चिम प्रदेश सभाको चालु अधिवेशन बजेट अधिवेशन होकी हिउँदे अधिवेशन हो । यदि बजेट अधिवेशन हो भने अन्त्य भएर हिउँदे अधिवेशन कहिले सुरु हुन्छ ? होइन भने हिउँदे अधिवेशनलाई सभाले कानुन निर्माण गर्ने अधिवेशनका रुपमा लिन्छ । तर प्रदेश सभालाई सरकारले पर्याप्त विजनेस नदिएर किन सभालाई अपमान गरिरहेको छ ?'
साथै उनले निर्णय विपरीत काम गरेको भन्दै प्रदेश सरकारलाई कसरी विश्वास गर्ने भन्दै प्रश्न गरे । उनले प्रदेश सरकार अपार्दर्शी रुपमा चलिरहेको आरोप लगाए । यस्तै उनले प्रतिपक्ष दलले उठाएका विषयमा सरकार र मुख्यमन्त्रीले वार्ता गर्न अस्वीकार गरिरहेको उनले बताए ।
यदि सरकार र मुख्यमन्त्री आफूले उठाएका जनताका सवालमा वार्ता गर्न तयार नभएर संघर्ष जारी राख्ने चेतावनी दिए । यसैगरी उनले सरकारले अहिलेसम्म बजेटसमेत खर्च गर्न नसकेको भन्दै आलोचना गरे ।
© 2026 All right reserved to onlinenepal.com
Design & Developed By
