Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , चैत्र २३, २०८१
काठमाडौं । गत चैत २० गते देखि सुरू भएको शिक्षक अन्दोलन आज पनि जारी छ ।
प्रधानमन्त्री केपी शर्मा ओलीले शनिबार शिक्षकहरूको माग सरकारले सुन्ने बताए पनि उनीहरूले विश्वस्त हुन नसकेको भन्दै आज सिठ्ठी बजाएर विरोध प्रदर्शन गरेका छन् ।
आइतबार उनीहरूले माइतीघरदेखि नयाँबानेश्वरसम्मको सडकमा सिठ्ठी बजाएर विरोध प्रदर्शन गरेका हुन् ।
शिक्षा ऐन तथा पुराना सम्झौता कार्यान्वयन गर्न माग राख्दै शिक्षकहरू आन्दोलित भएका छन् । नेपाल शिक्षक महासङ्घले बुधबारदेखि काठमाडौंकेन्द्रित आन्दोलन थालेको थियो ।
गुणस्तरीय विद्यालय शिक्षा, विद्यार्थी र शिक्षक–कर्मचारीमैत्री विद्यालय शिक्षा ऐन जारी गर्नुपर्ने माग राख्दै महासंघको नेतृत्वमा देशभरका शिक्षकहरु २०८१ माघ २० गतेदेखि निरन्तर आन्दोलनमा छन् ।
उनीहरूले माइतीघर मण्डलामा भेला भई नयाँबानेश्वरसम्म पुगेर सरकारको कानसम्म आफ्ना कुरा पुर्याउने कोसिस गरेका हुन् ।
नेपाल शिक्षक महासंघको आह्वानमा काठमाडौं उपस्थित भएका शिक्षकहरुले सरकारले चैत्र २५ गतेसम्म पनि आफ्ना मागहरु पूरा नगरे शैक्षिक हड्ताल गर्ने चेतावनी दिएका छन् ।
यद्यपी सरकारले पटक–पटक वार्तामा बोलाउँदा भने शिक्षक महासंघले अस्वीकार गर्दै आएको छ ।
© 2026 All right reserved to onlinenepal.com
Design & Developed By
