धरानको जंगलमा मृत भेटिएकी महिलाको पहिचान खुल्यो

अनलाइन नेपाल

बिहिवार , चैत्र २७, २०८१

काठमाडौं । गत सोमबार सुनसरीको धरानको जंगलमा अर्धनग्न अवस्थामा मृत भेटिएकी महिलाको पहिचान खुलेको छ ।

मृत्यु हुनेमा धनकुटाको महालक्ष्मी नगरपालिका– २ की ३४ वर्षीया चुनकुमारी दाहाल बुढाथोकी रहेकी छन् ।

जिल्ला प्रहरी कार्यालय सुनसरीका अनुसार आफन्तले शवको पहिचान गरेका हुन् ।

दाहाल सुनसरीको इटहरी उपमहानगरपालिका–२, हलगडामा बसोबास गर्दै आएकी थिइन् ।

उनका श्रीमान् प्रेम दाहाल वैदेशिक रोजगारीका लागि कोरियामा रहेको प्रहरीले जनाएको छ ।

धरान उपमहानगरपालिका–६ स्थित पञ्चकन्या सामुदायिक वनमा सोमबार दिउँसो महिलाको शव फेला परेको थियो ।

गोठालो गएकाहरुले वनभित्र लसुनेको रुखमुनि अर्धनग्न अवस्थामा महिलाको शव देखेपछि प्रहरीलाई खबर गरेका थिए ।

महिलाको घाँटी कसेर हत्या गरेपछि लसुनेको रुखमुनि अडेस लगाएर शव छाडेजस्तो देखिएको प्रहरीको भनाइ छ ।

प्रहरीका अनुसार अन्यत्र हत्या गरी महिलाको शव घिसारेको जस्तो पनि देखिन्छ । महिलाको पहिचान खुलेपछि प्रहरीले हत्याको आशंकामा अनुसन्धान गरिरहेको छ ।

प्रतिक्रिया दिनुहोस्

नयाँ अपडेट

थप नयाँ अपडेट

सेफ सन्तोष साहलाई ३ दिन हिरासतमा राख्न अदालतको अनुमति