काठमाडौं । प्रहरी प्रधान कार्यालयले आर्थिक अपराध अनुसन्धान महाशाखाको स्थापना गरेको छ ।
आर्थिक मामिलासँग सम्बन्धित मुद्दा हेर्नका लागि महाशाखाको स्थापना गरिएको हो । जसको जिम्मेवारी एसएसपी होविन्द्र बोगटीलाई दिइएको छ । उनी सीआईबीमा कार्यरत छन् ।
महाशाखाका लागि प्रहरी प्रधान कार्यालयले माग गरेको दरबन्दी र बजेट अर्थमन्त्रालयले स्वीकृत गरेको छैन । जसकारण अहिले केन्द्रीय अनुसन्धान ब्युरो (सीआईबी) मातहत महाशाखालाई राखिएको बताइएको छ ।
आर्थिक अपराध, विवादास्पद कारोबार एवं गैरकानूनी आर्थिक परिचालन बढेपछि महाशाखा स्थापना गरिएको बताइएको छ ।