Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
बिहिवार, आषाढ ११ गते २०८३
Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
सोमवार , जेठ १३, २०८२
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले तत्कालिन समयमा एमालेसँगको एकता गलत नभएको बताएका छन् ।
अध्यक्ष दाहालले कम्युनिष्टहरू एकैठाउँमा हुँदा वामपन्थीको ठूलो जनमत देखिने भएकाले एमालेसँग एकता गरेको दावी गरे ।
सोमबार नेपाल समाजवादी पार्टी (गंगानारायण श्रेष्ठ) समूहसँग एकता सभालाई सम्बोधन गर्दै उनले सरकारको तर्फबाटै समाजवादी आन्दोलन सुरू गर्न सकिन्छ भन्ने उद्देश्यका साथ आफूले नै एमालेलाई हामी मिलेर निर्वाचन लडौँ र पार्टीलाई एउटै बनाएर समाजवादी क्रान्तितिर जाने तयारी गरौं भनेर प्रस्ताव गरेका बताए ।
एमालेसँग भएको एकता सम्झिदै उनले थप भने–‘एमालेसँग एकता गर्नु सैद्धान्तिक रुपमा गलत भएको मैले ठानेको छैन । पार्टी र जनताले अनुमोदन गरेको थियो । दुई तिहाइ मत पाएका थियौं । समाजवादको आधार तय गर्न ठुलो अवसर मिलेको थियो । झन्डै ९५ प्रतिशत एकतालाई अगाडि बढाउन सकारात्मक थिए । केहीलाई मन परेको थिएन । उनीहरूले एकता भत्काउन लागि परे । यसमा केही देशी विदेशी शक्ति पनि लागि परे ।’
अध्यक्ष महिन्द्र यादव समूह पनि एकता प्रक्रियामा जोडिने विश्वास व्यक्त गरे ।
अध्यक्ष यादवसँग सल्लाह गरेर नै श्रेष्ठ समूहसँग एकता गरेको दाबी गर्दै उनले प्राविधिक कारणले यादव समूह एकता प्रक्रियामा नजोडिएको बताए ।
अध्यक्ष दाहालले भने–‘महिन्द्र राय यादवसँग हिजो र आज पनि छलफल भइराखेको छ । उहाँसँग सल्लाह भएर नै एकता प्रक्रियामा जोडिएको हो । केही प्राविधिक कारणले माओवादी नामका कारणले उहाँलाई अप्ठ्यारो लाग्यो । आज बिहान मात्र कुरा भएको छ । केही तिक्तता र नमिठो मान्ने कुरा छैन ।’
नेकपा माओवादी र नेकपा एमालेबीच नेपालमा समाजवादी क्रान्ति मौलिक ढङ्गले गर्ने उद्देश्यसहित २०७५ सालमा एकता भएको थियो ।
© 2026 All right reserved to onlinenepal.com
Design & Developed By
