राजावादी प्रदर्शनमा प्रहरीको ज्यादती

अनलाइन नेपाल

आइतवार , जेठ १९, २०८२

काठमाडौं । राजावादी प्रदर्शनमा आज प्रहरीले ज्यादती गरेको छ ।

काठमाडौंको नक्सालस्थित नारायणचौरबाट जबरजस्ती बालुवाटार जान खोज्दा प्रहरीले प्रदर्शनकारीहरुमाथि लाठी बर्साएको हो ।

प्रहरीको लाठीचार्जबाट केही प्रदर्शनकारी घाइते भएका छन् ।

प्रदर्शनको क्रममा राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापालाई प्रहरीले पक्राउ गरेको छ ।

राजसंस्था पुनर्स्थापना र हिन्दू राज्यको माग गर्दै प्रदर्शनमा उत्रिएका राजावादीहरूले जेठ १५ गतेदेखि राजधानीमा प्रदर्शन गरिरहेका छन् ।

उनीहरुले राज संस्था नफर्किदासम्म आन्दोलन नरोक्ने अडान लिएका छन् ।

लाठी चार्जपछि राप्रपाका नेताहरुले प्रहरीले शान्तिपुर्ण आन्दोलनमा लाठी चार्ज गरेर ज्यादती गरेको बताएका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

रास्वपा महाधिवेशन : पहिलो चरणको मतदान फेरि सर्‍यो, अब राति १० बजेदेखि मतदान