उता शिर्ष दलका सचेतकहरुसँग रुष्ट सभामुख, यता विपक्षी दलहरूको बैठक सुरु

अनलाइन नेपाल

आइतवार , जेठ २६, २०८२

काठमाडौं । सभामुख देवराज घिमिरेले आज १ बजेका लागि डाकेको प्रतिनिधि सभाको बैठकमा नगएर विपक्षी दलहरूको छुट्टै बैठक बसेको छ ।

संसद् भवनस्थित नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को कार्यकक्षमा विपक्ष दलहरु बैठकमा बसेका हुन् ।

उता, सभामुख घिमिरेले भने सदनको अवरोध खुलाउन भन्दै सदनमा प्रतिनिधित्व गर्ने दलका प्रमुख सचेतकहरुसँग छलफल जारी राखेका छन् ।

विपक्षी दलहरूले भिजिट भिसा प्रकरणमा गृहमन्त्रीको राजीनामा माग गर्दै संसद् बैठक अवरोध गर्दै आइरहेका छन् ।

सभामुख घिमिरेले पटक पटक संसद् अवरोध अन्त्य गर्ने प्रयास गरिरहेका छन् । यद्यपि बैठक सञ्चालन हुन भने सकेको छैन ।

पटक–पटकको छलफलबाट पनि दलहरु संसदको अवरोध हटाउन सहमत नभएपछि सभामुख घिमिरले आज सचेतकहरुसँग असन्तुष्टि व्यक्त गरेका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

रास्वपा महाधिवेशन : पहिलो चरणको मतदान फेरि सर्‍यो, अब राति १० बजेदेखि मतदान