Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार, जेठ ३० गते २०८३
Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार , आषाढ २१, २०८२
सर्लाही । सर्लाहीका प्रहरी प्रमुख एसपी योगेन्द्रकुमार खड्कासँग भएको विवादपछि प्रहरीले पक्राउ पुर्जी जारी गराएको जसपा नेपाल मधेश प्रदेश अध्यक्ष तथा पूर्व प्रदेश सांसद अशोक यादवलाई प्रहरीले अझै पक्राउ गर्न सकेको छैन ।
बिहीबार राति भएको विवादका क्रममा सरकारी सवारी साधनमा तोडफोड गराइएको आरोपमा सर्लाही जिल्ला अदालतबाट शुक्रबार यादवको नाममा पक्राउ पुर्जी जारी गरिएको हो ।
घटनापछि जिल्ला प्रहरी कार्यालय सर्लाहीले एक हजारभन्दा बढी प्रहरी परिचालन गरेर पनि उनलाई नियन्त्रणमा लिन सकेको छैन ।
विवादको कारण राति पूर्वाधार कार्यालयबाट चेक काट्ने काम भएको विषयमा एसपी खड्का र नेता यादवबीच भनाभन भएको थियो । यादवले प्रहरी प्रमुख खड्कामाथि कमिसनमा रातिको समयमा सुरक्षाकर्मी पठाएको आरोप लगाएका थिए । खड्काले भने फोनमार्फत सुरक्षा आग्रह आएपछि नियमअनुसार प्रहरी पठाइएको दाबी गरेका छन् ।
यता, सरकारी सवारी साधनमा तोडफोड भएको घटनालाई लिएर प्रहरीले यसलाई गम्भीर सुरक्षापरिस्थितिका रूपमा लिएको छ । यादवलाई पक्राउ गर्न जिल्लाका सम्पूर्ण प्रहरी युनिटलाई सचेत अवस्थामा राखिएको छ ।
स्रोतका अनुसार यादवको मोबाइल स्विच अफ अवस्थामा रहेको छ भने उनको सम्भावित बासस्थानहरूमा निगरानी बढाइएको छ ।
© 2026 All right reserved to onlinenepal.com
Design & Developed By
