मेयर हर्क साम्पाङको श्रमदानमा सहभागी वडाध्यक्षमाथि एमालेको कारबाही सिफारिस

अनलाइन नेपाल

शनिवार , आषाढ २१, २०८२

मेयर हर्क साम्पाङको श्रमदानमा सहभागी वडाध्यक्षमाथि एमालेको कारबाही सिफारिस

धरान । धरान उपमहानगरपालिका–४ का वडाध्यक्ष धनबहादुर राईलाई पार्टी निर्देशन अवज्ञा गरेको भन्दै नेकपा एमाले धरानले पदबाट बर्खास्त गर्न सिफारिस गरेको छ ।

वडाध्यक्ष राई मेयर हर्क साम्पाङले अगुवाइ गरेको श्रमदान अभियानमा सहभागी भएपछि एमालेभित्र विवाद चुलिएको हो ।

एमाले धरानका उपाध्यक्ष पारस काङमाङ राईका अनुसार वडाध्यक्ष राई पार्टी हितविपरीत गतिविधिमा संलग्न भएको, कार्यपालिका बैठकमा नियमित अनुपस्थित रहने, पार्टी बैठक र निर्देशन अवज्ञा गर्ने, तीन पटकसम्म स्पष्टीकरण माग्दा चित्त बुझ्दो जवाफ नदिएको जस्ता कारणले कारबाहीको सिफारिस गरिएको हो ।

पार्टीका नेताहरूले पटक–पटक सम्झाउँदै पनि उनले नसुनेपछि निर्वाचन आयोगमार्फत बर्खास्ती प्रक्रिया अघि बढाउन जिल्ला कमिटीमा सिफारिस गरिएको उनले बताए ।

एमाले जिल्ला कमिटीका कार्यबाहक अध्यक्ष पर्सुराम यादवका अनुसार वडाध्यक्ष राईलाई एकपटक पार्टी कार्यालयमा बोलाएर औपचारिक रूपमा कारबाही प्रक्रिया सुरु गरिनेछ ।

२०८९ को स्थानीय तह निर्वाचनमा एमालेबाट निर्वाचित भएका राई मेयर साम्पाङको लोकप्रिय श्रमदान कार्यक्रममा खुलेर सहभागी हुँदै आएका थिए ।

प्रतिक्रिया दिनुहोस्

नयाँ अपडेट

थप नयाँ अपडेट

मेयर हर्क साम्पाङको श्रमदानमा सहभागी वडाध्यक्षमाथि एमालेको कारबाही सिफारिस