Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार, जेठ ३० गते २०८३
Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार , आषाढ २१, २०८२
सर्लाही । जनता समाजवादी पार्टी (जसपा) का मधेश प्रदेश अध्यक्ष अशोक यादवविरुद्ध जिल्ला प्रहरी कार्यालय सर्लाहीले पक्राउ पुर्जी जारी गरेपछि जिल्लाको सदरमुकाम मलंगवामा प्रदर्शन गरिएको छ ।
जसपाको जिल्ला नेतृत्वले शनिबार ठूलो विरोध प्रदर्शन गर्दै पक्राउ पुर्जी खारेज गर्न माग गरेको हो । जसपा सर्लाहीका जिल्ला अध्यक्ष शम्भु प्रसाद यादवको नेतृत्वमा भएको प्रदर्शनमा सयौं कार्यकर्ताहरूको सहभागिता रहेको थियो ।
विवादको सुरुवात बिहीबार राति मलंगवास्थित पूर्वाधार विकास कार्यालयमा भएको गतिविधिबाट भएको थियो । रातिको समयमा सरकारी चेक काटिएको विषयमा प्रदेश अध्यक्ष अशोक यादव र सर्लाहीका प्रहरी प्रमुख एसपी योगेन्द्रकुमार खड्काबीच तीव्र वादविवाद भएको थियो ।
अध्यक्ष यादवले पूर्वाधार कार्यालयका प्रमुख विजय यादवसँग मिलेर एसपी खड्काले कमिसनको सेटिङमा चेक काट्न सहयोग गरेको आरोप लगाएका थिए।
गालीगलौज र तनावपछि जिल्ला प्रहरी कार्यालय सर्लाहीले अशोक यादवलाई पक्राउ गर्न सलेमपुरस्थित निवासमा प्रहरी परिचालन गर्यो । तर, प्रहरी टोली पुग्दा स्थानीय बासिन्दाले प्रहरीको उपस्थितिको विरोध गर्दै प्रहरीको गाडीमा तोडफोड गरेका थिए ।
त्यसपछिको परिस्थितिमा प्रहरीले सरकारी सम्पत्ति तोडफोड र सरकारी काममा अवरोध पुर्याएको अभियोगमा मुद्दा दर्ता गरी जिल्ला अदालतबाट पक्राउ पुर्जी जारी गराएको हो ।
यस क्रममा प्रहरीले सर्लाहीमा करिब एक हजार सुरक्षाकर्मी परिचालन गरेको थियो । तर उनी अहिलेसम्म पक्राउ परेका छैनन् । यता प्रहरीले यादव विगतदेखि नै आपराधिक गतिविधिमा संलग्न रहेको दाबी गरेको छ ।
© 2026 All right reserved to onlinenepal.com
Design & Developed By
