Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
शनिवार , आषाढ २८, २०८२
धनगढी । जिल्ला कारागार कैलालीमा शनिबार दिउँसो कैदीबन्दीहरूबीच झडप हुँदा कारागारका नाइके खगेन्द्र बोगटी गम्भीर घाइते भएका छन् ।
कारागार प्रशासनका अनुसार भूपेन्द्र बडुवाल हत्या प्रकरणमा पुर्पक्षका लागि थुनामा रहेका कैदी कपिल श्रेष्ठ नेतृत्वको समूहले बोगटीमाथि कुटपिट गरेको हो ।
कुटपिटबाट नाक र मुखमा चोट लागेका बोगटीको सेती प्रादेशिक अस्पतालमा उपचार भइरहेको छ । घटनापछि प्रमुख जिल्ला अधिकारी गोगनबहादुर हमाल र प्रहरी उपरीक्षक बाल नरसिंह राणा कारागार पुगेका छन् ।
सुरक्षास्थितिबारे जानकारी लिँदै उनीहरूले कैदीहरूसँग संवाद गरेका छन् । एसपी राणाले कैदीहरूबीच सामान्य विवाद भएको भन्दै अहिले अवस्था नियन्त्रणमा रहेको बताए ।
स्रोतका अनुसार, बिहीबार प्रमुख जिल्ला अधिकारी हमालको निरीक्षणका क्रममा ब्लक ‘ए’ मा मोबाइल फेला परेपछि त्यहाँका सात जना कैदीलाई ब्लक ‘बी’ मा सारिएको थियो । यही सरुवालाई लिएर कैदीहरूबीच मनमुटाव चुलिएको हो ।
नाइके बोगटीले आफू जेलरको मान्छे भएको भन्दै ‘रवाफ देखाएको’ आरोप लगाउँदै श्रेष्ठको समूह आक्रोशित भएको र झडप चर्किएको बताइएको छ। यद्यपि, प्रहरीले भने “धकलाधकेल हुँदा चोट लागेको” दाबी गरेको छ ।
कैदीहरूले जेलर बसन्त खत्रीविरुद्ध एसपी र सिडिओ कै अगाडी नाराबाजी गर्दै “जेलभित्र मनोमानी बन्द गर” भन्ने माग गरेका छन् ।
© 2026 All right reserved to onlinenepal.com
Design & Developed By
