Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
शुक्रवार , श्रावण २, २०८२
पर्सा । पर्सा जिल्लाको बाल सुधारगृहमा चौकीदारको रूपमा कार्यरत व्यक्तिले बाल कैदीबन्दीहरूमाथि धम्की र दबाब प्रयोग गर्दै १० लाख रुपैयाँभन्दा बढी रकम असुलेको खुलासा भएको छ । यस अभियोगमा चौकीदार प्रमानन्द गुप्ता प्रहरीको फन्दामा परेका छन् ।
सिरहा लहान नगरपालिका–३ निवासी २४ वर्षीय गुप्ता लागू औषध सम्बन्धी कसुरमा कैद भुक्तान गरी छुट्ने क्रममा थिए । तर, सुधारगृहमा रहेका १० जना बाल कैदीबन्दीहरूले छुट्ने दिनमै गुप्ताविरुद्ध गम्भीर आरोप लगाएका थिए ।
बाल कैदीहरूले सुधारगृह प्रशासन तथा सुरक्षामा खटिएका प्रहरीलाई गुप्ताले नगद र इसेवा मार्फत पटक–पटक गरी १० लाख १५ हजार रुपैयाँ असुलेको जानकारी गराएका थिए ।
पर्साका प्रहरी उपरीक्षक गौतम मिश्रका अनुसार, प्रारम्भिक अनुसन्धानमै गुप्ताले बालबालिकालाई मानसिक दबाब दिई आर्थिक लाभ लिएको पुष्टि भएको छ ।
प्रहरीले गुप्तालाई नियन्त्रणमा लिई वीरगन्ज जिल्ला अदालतबाट ठगी, आपराधिक विश्वासघात र आपराधिक लाभ अन्तर्गत अनुसन्धानका लागि तीन दिनको म्याद थप अनुमति लिएको छ ।
© 2026 All right reserved to onlinenepal.com
Design & Developed By
