Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार, आषाढ १ गते २०८३
Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
शुक्रवार , श्रावण २, २०८२
काठमाडौं । कर्णाली विकास बैंकमा भएको चार अर्ब ९० करोड रुपैयाँको ठूला अनियमितता प्रकरणमा नेपाल राष्ट्र बैंकका पूर्वकर्मचारी भुवन बस्नेत पक्राउ परेका छन् ।
शुक्रबार केन्द्रीय अनुसन्धान ब्यूरो (सीआईबी) को टोलीले सुनसरी स्थायी घर भएका ६१ वर्षीय बस्नेतलाई काठमाडौंको टोखा क्षेत्रबाट नियन्त्रणमा लिएको हो ।
अनुगमन अधिकृतको रूपमा काम गरेका बस्नेतमाथि बैंकको वित्तीय अवस्था ठीक रहेको भ्रामक प्रतिवेदन तयार पारेको आरोप लागेको छ ।
बैंक गम्भीर आर्थिक संकटमा फसेको बेला यस्तो अनुगमन गरिएको र वास्तविक मौज्दात तथा कोर बैंकिङ प्रणाली (सीबीएस) मा प्रविष्ट रकमबीच ठूलो अन्तर देखिएकोले यो घोटाला बाहिर आएको हो ।
आन्तरिक छानबिन समितिको प्रतिवेदनले नक्कली ब्यालेन्स सर्टिफिकेट बनाएर वर्षौंसम्म अनियमितता लुकाइएको खुलासा गरेपछि सीआईबीले थप अनुसन्धान थालेको थियो ।
यसअघि अनुगमनमा संलग्न कर्मचारीहरूको विवरण माग्दै नेपाल राष्ट्र बैंकलाई पत्राचार गरिएको थियो । प्रहरीले यस प्रकरणमा संलग्न अन्य प्रमुख व्यक्तिहरूको खोजीमा पनि तीव्रता दिएका छन् ।
© 2026 All right reserved to onlinenepal.com
Design & Developed By
