Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
सोमवार , श्रावण ५, २०८२
काठमाडौं । सेयर दलालका रुपमा परिचित दीपेन्द्र अग्रवाल पक्राउ परेका छन् । काठमाडौं जिल्ला प्रहरी परिसरले अग्रवाललाई टोखाबाट पक्राउ गरेको हो ।
काठमाडौं प्रहरी परिसर प्रमुख विश्व अधिकारीका अनुसार ठगी र विश्वासघात कसुरमा अग्रवाललाई पक्राउ गरिएको हो ।
२२ करोड ठगी अरोपमा अग्रवाल पक्राउ गरेको प्रहरीले जनाएको छ ।
अग्रवालले सेयर कारोबार मार्फत लगानीकर्ता तथा धितोपत्र दलाल कम्पनीलाई ठगी गर्दै आएका थिए ।
उनको ठगीको विषयमा नेपाल धितोपत्र बोर्डले समेत अनुसन्धान गरेर कारबाही गर्ने प्रक्रिया अघि बढाएको थियो । सोही अनुसार प्रहरीले पक्राउ गरेको हो ।
अग्रवाल पटक–पटक विवादमा आइरहने सेयर लगानीकर्ता हुन् । उनीमाथि सेयर बजारमा चलखेल गर्ने गरेको आरोप लाग्दै आउको छ ।
अग्रवालले सेयर किन्न सर्वसाधारणलाई उस्काउने र बढेपछि आफूले किनेको सेयर बेचेर बाहिरिने गर्दै आएका छन् ।
१५ वटा कारोबार व्यवस्थापन प्रणाली (टीएमएस) खाता चलाउँदै आएका उनले ती खातामार्फत आफैं खरिद गर्ने र आफैंले बिक्री गरी सेयर मूल्य बढाउने काम गर्दै आएका थिए । सेयर मूल्य निश्चित तहमा पुर्याएपछि उनले सेयर बिक्री गर्थे ।
अग्रवालले सस्तोमा सेयर खरिद गर्ने र आफ्नै खाता प्रयोग गरी सर्वसाधरणलाई झुक्याएर महँगोमा बिक्री गर्ने गर्दै आएका थिए ।
त्यतिमात्रै होइन अग्रवालल आफूले सेयर खरिद गरिसकेपछि समाजिक सञ्जाल मार्फत लगानीकर्तालाई खरिद गर्न लगाउने र मूल्य नै तोकेर यति पुर्याउने भन्दै झुट्टा अस्वासन दिने गर्थे ।
सेयर बजारमा अग्रवालाई विश्वास गर्नेको संख्या धेरै नै भएकाले उनले विश्वासघात गर्दै आएका थिए । उनको आश्वासनमा फसेर जब लगानीकर्ताले सेयर खरिद गर्न थाल्थे तब, सेयरको मूल्य बढ्थ्यो । त्यसपछि अग्रवालले आफ्नो विभिन्न खाता प्रयोग गरी महंगोमा सेयर बिक्री गर्थे ।
यसअघि, अग्रवाल र सिप्ला सेक्युरिटिज (ब्रोकर नम्बर २०)बीच पनि विवाद देखिएको थियो ।
सिप्ला सेक्युरिटिजले २०८१ असोजमा अग्रवालले १६ करोड रुपैयाँ नदिएको भन्दै प्रहरीको केन्द्रीय अनुसन्धान ब्युरो (सीआईबी)मा समेत उजुरी दिएको थियो ।
© 2026 All right reserved to onlinenepal.com
Design & Developed By
