एजेन्सी । रुसले युक्रेनको राजधानी किभमा ठूलो हवाई हमला गरेको छ ।
सोमबार बेलायत र जर्मनीले युक्रेनलाई हतियार प्रदान गर्न नेटो सहयोगीहरूका लागि अमेरिकी राष्ट्रपति डोनाल्ड ट्रम्पको योजनाबारे छलफल गर्न बैठक हुनुभन्दा केही घण्टाअघि रुसले किभमा हमला गरेको हो ।
यो आक्रमण हालैका महिनाहरूमा युक्रेनमाथि गरेको सबैभन्दा ठूलो हवाई आक्रमणहरूमध्ये एक भएको दाबी गरिएको छ ।
युक्रेनको राजधानी किभमा भएको ड्रोन र मिसाइल आक्रमणमा दुई जनाको मृत्यु भएको छ । १२ वर्षीय एक बालकसहित १५ जना घाइते भएको युक्रेनका राष्ट्रपति भोलोदिमिर जेलेन्स्कीले बताए ।
मानिसहरूले आश्रय लिएको किभको शेभचेन्किभ्स्की जिल्लामा रहेको एक सबस्टेशनको प्रवेशद्वारमा ड्रोनले आक्रमण गरेको देखिएको छ ।
सबैभन्दा ठूलो आक्रमणले सहरको डार्निट्स्की जिल्ला प्रभावित भएको छ । त्यहाँ एक किन्डरगार्डेन, सुपरमार्केट र गोदाम सुविधाहरूमा आगलागी भएको छ ।