काठमाडौं । सुनको सिक्री लुट्ने गिरोहका दुई सदस्यलाई प्रहरीले पक्राउ गरेको छ । पक्राउ पर्नेमा तारकेश्वर नगरपालिका-८ जरङ्खु बस्ने २१ वर्षीय कौशल बस्नेत र सोही ठाउँ बस्ने २६ वर्षीय मिलन तामाङ छन् ।
जिल्ला प्रहरी परिसर काठमाडौंका एसपी तथा प्रवक्ता अपीलराज बोहराका अनुसार उनीहरुले माछापोखरीबाट एक महिलाको शनिबार साँझ ४ लाख ३८ हजार बराबरको सिक्री लुटेका थिए ।
खोजीको क्रममा शनिबार राति दुवैलाई माछापोखरीबाटै पक्राउ गरिएको एसपी बोहराले बताए ।