Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार, आषाढ १ गते २०८३
Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
बिहिवार , श्रावण १५, २०८२
काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनका स्वकीय सचिव क्षत्र कडायतले पाल्पाका राजु गैरेमाथि हेल्मेट प्रहार गरेका छन् ।
गत निर्वाचनमा पाल्पामा प्रदेश सभातर्फ क्षेत्र नम्बर–२ (ख) मा राप्रपाका तर्फबाट उम्मेदवार बनेका गैरेले सामाजिक सञ्जालमा अध्यक्षविरुद्ध लेखेको भन्दै कडायतले हेल्मेटले हानेका हुन् ।
बुधबार केही साथीहरूसँगै विशालनगरमा चियागफ गरिरहेको बेला गैरै भएकै ठाउँमा पुगेर कडायतले हेल्मेटले हानेका हुन् ।
साथीहरूसँगै बसेको उनलाई केही पर छुट्टै लगेर कडायतले हेल्मेटले प्रहार गरेका भिडियोमा देखिन्छ ।
गैरेले अध्यक्षको विरुद्धमा सामाजिक सञ्जालमा लेख्नै भन्दै कडायतले हेल्मेटले प्रहार गरेको बताएका छन् । गैरले प्रहरीमा उजुरी दिएको जानकारी गराए ।
कडायतले आफूमाथि कुटपिट गरेको भिडियो गैरेले सामाजिक सञ्जालमा पोष्ट गरेका छन् । उनले न्याय नपाए पार्टी कार्यालयमा पासो लगाएर मर्ने समेत चेतावनी दिएका छन् ।
गैरेले लेखेका छन्–‘दोषीलाई बचाउन र वार्ताका लागि कसैले प्रयास नगरोस यो ज्यान मार्न आउनेलाई वार्ताले उन्मुक्ति दिन सकिँदैन । राजनीतिक शक्तिको दममा चलखेल नगरियोस् । बचाउने कोसिस नगरियोस्, भगाउने कोसिस नगरियोस् । यही पार्टीकै कारण म सबै गुमाईसकेको मान्छे पार्टीकै कारण ज्यान दिनपर्यो भने भने पनि मलाई कुनै आपत्ति छैन ।’
राप्रपामा १८ वर्ष योगदान दिएको कारणस्वरूप ‘धार्मिक उपहार’ पाएको उनले लेखेका छन् ।
गैरेले अध्यक्ष लिङ्देनतर्फ संकेत गर्दै झापाको छुर्पी ग्याङ चलाए जस्तो पार्टी चलाउन नभएको उनले लेखेका छन् ।
लिङ्देनलाई उनले भनेका छन्–‘अध्यक्षज्यू, वैचारिक तर्क मन नै नपर्ने तपाईं, तपाईंको कार्यशैलीको विषयमा बोल्नै नपाइने, तपाईंको गुणगान गाउने र चाकरी गर्ने मात्र तपाईको नजरमा पाटी कार्यकर्ता हुने अरू सबै तपाईंका दुश्मन ?’
© 2026 All right reserved to onlinenepal.com
Design & Developed By
