काठमाडौं । नेकपा (माओवादी केन्द्र) का उपमहासचिव जनार्दन शर्माले स्थायी कमिटी बैठकमा पार्टीका सबैखाले एजेन्डामाथि गम्भीर र व्यापक छलफल भएको बताएका छन् ।
सोमबार पेरिसडाँडामा सम्पन्न बैठकपछि सञ्चारकर्मीहरूसँग कुरा गर्दै उनले वैचारिक, राजनीतिक, सांगठनिक र विधिसम्बन्धी विषयमा उच्चस्तरीय निष्कर्ष निकालिएको बताएका हुन् ।
“सबै एजेन्डामा पार्टीमा गम्भीर छलफल भयो । वैचारिक, राजनीतिक, सांगठनिक र विधि सबैमा छलफल भए,” शर्माले भने, “छलफलको उच्च निष्कर्ष निस्किएको छ।”
चार दिन चलेको बैठकमा उपमहासचिव शर्माले अध्यक्ष दाहालमाथि आलोचना गरेका थिए ।