काठमाडौं । उच्च अदालतको न्यायाधीश पदमा नियुक्तिका लागि २७ जनाको नाम सिफारिस गरिएको छ ।
न्याय परिषदको बिहीबार बसेको बैठकले उच्च अदालतमा २७ जना न्यायाधीश नियुक्तिका लागि सिफारिस गरेको हो ।
न्याय परिषद्का अनुसार यमबहादुर बुढामगरलाई उच्च अदालत जुम्ला, गोपालप्रसाद बास्तोलालाई उच्च अदालत पाटन, गिरिराज गौतमलाई उच्च अदालत महेन्द्रनगर, युवराज गौतमलाई उच्च अदालत विराटनगरको अस्थायी इजलास ओखलढुंगा नियुक्तिसँगै पदस्थापन गरिएको छ।