एजेन्सी । अमेरिकी राष्ट्रपति डोनाल्ड ट्रम्प र रुसका राष्ट्रपति भ्लादिमिर पुटिन युक्रेन युद्ध रोक्ने विषयमा छलफल गर्न आज राति अलास्काको एन्कोरेजमा भेट्दैछन् ।
नेपाली समयअनुसार बैठक साढे १ बजे सुरु हुनेछ ।
वासिङ्टनबाट अलास्का प्रस्थान अघि ट्रम्पले ट्रुथ सोसलमा “धेरै कुरा दाउमा छ१” भनेर लेखेका छन्।
उता, युक्रेनी राष्ट्रपति भोलोदिमिर जेलेन्स्कीले एक्समार्फत ट्रम्पको भनाइ दोहोर्याउँदै बैठकलाई “साँच्चै धेरै महत्त्वपूर्ण” बताएका छन् ।
जेलेन्स्कीले यो वार्ताले “न्यायपूर्ण शान्तिको बाटो खोल्ने” र युक्रेन–अमेरिका–रुसबीच त्रिपक्षीय बैठक हुने आशा व्यक्त गरेका छन् ।