एजेन्सी । युक्रेनी राष्ट्रपति भोलोडिमिर जेलेन्स्कीले अमेरिकी राष्ट्रपति डोनाल्ड ट्रम्प र युरोपेली नेताहरूसँगको भेटवार्तामा युक्रेनको सुरक्षा योजनाबारे व्यापक छलफल भएको बताएका छन्।
बैठकमा युक्रेनले युरोपेली सहयोगमार्फत ९० अर्ब डलर बराबरको अमेरिकी हतियार खरिद गर्ने विषयमा कुरा भएको छ ।
सुरक्षाको अर्को आयामस्वरूप युक्रेनले आफ्नै उत्पादनका ड्रोन बजारमा ल्याउने तयारी गरेको र तीमध्ये केही ड्रोन अमेरिकाले नै खरिद गर्ने सम्भावना रहेको जेलेन्स्कीले जानकारी दिए ।
यद्यपि, उनले यो योजना अझै छलफलमै रहेको र अन्तिम सम्झौता नभएको प्रष्ट पारे ।