काठमाडौँ । कीर्तिपुरमा भूमि विधेयक फिर्ताको मागसहित आयोजित विरोध प्रदर्शनमा सहभागी भएका जनता समाजवादी पार्टी (जसपा) नेपालका तीन जना विद्यार्थी नेताहरूलाई प्रहरीले पक्राउ गरेको छ ।
पक्राउ पर्नेमा समाजवादी विद्यार्थी संगठन नेपालका केन्द्रीय अध्यक्ष मनिषकुमार यादव, केन्द्रीय सदस्यहरू विपिनकुमार यादव र सुभाष यादव रहेका छन्।
विद्यार्थी नेताहरूले भूमि विधेयक किसानमाथि अन्यायपूर्ण हुने भन्दै तत्काल फिर्ता गर्नुपर्ने माग राख्दै विरोध गरेका थिए ।
पक्राउपछि कीर्तिपुर क्षेत्रमा थप सुरक्षाकर्मी परिचालन गरिएको छ।