Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
शनिवार , भाद्र १४, २०८२
काठमाडौँ । काठमाडौँ महानगरपालिका–४, बुढानिलकण्ठबाट अनलाइन सट्टेबाजी सञ्चालन गरेको आरोपमा पाँच जना पक्राउ परेका छन् ।
घर भाडामा लिएर अनलाइनमार्फत जुवा खेलाउँदै आएको सुराकीका आधारमा उपत्यका प्रहरी कार्यालय र जिल्ला प्रहरी परिसर काठमाडौँको संयुक्त टोलीले उनीहरूलाई नियन्त्रणमा लिएको हो ।
पक्राउ पर्नेमा काभ्रेका २२ वर्षीय मोनिक तामाङ, धरानका २२ वर्षीय सरोज लोकान्द्री, काभ्रे तेमाल गाउँपालिकाका २२ वर्षीय अजय लामा, कपन बस्ने २२ वर्षीय उसान लामा र महेन्द्रनगरका १८ वर्षीय आलोक धामी रहेका छन् ।
जिल्ला प्रहरी परिसर काठमाडौँका अनुसार पक्राउ परेका व्यक्तिहरूको स्क्रिनिङ कार्य भइरहेको छ ।
प्रहरीले घटनास्थलबाट सात थान मोबाइल फोन, पाँच थान कम्प्युटर र एक थान ल्यापटप बरामद गरेको छ ।
प्रारम्भिक अनुसन्धानमा उनीहरूले विदेशी नागरिकलाई लक्षित गरेर अनलाइन सट्टेबाजी गराउँदै आएको पाइएको छ । प्रहरीले थप अनुसन्धान गरिरहेको छ ।
© 2026 All right reserved to onlinenepal.com
Design & Developed By
