काठमाडौं । दसैँका लागि आजदेखि अनलाइनबाटै खसीबोका बुकिङ गर्न सकिने भएको छ ।
खाद्य व्यवस्था तथा व्यापार कम्पनीले दसैँमा खसीबोका तथा च्यांग्रा अनलाइनबाटै बुकिङ गर्न सकिने व्यवस्था गरेको हो ।
खाद्य व्यवस्था तथा व्यापार कम्पनी खरिद विभागले दसैँलाई लक्षित गरेर बुकिङ प्रणाली बनाएको जानकारी दिएको छ ।
खाद्यको अनलाइनमा गएर खसीबोका वा च्यांग्रा के बुकिङ गर्ने हो क्लिक गरेर चार हजार रुपैयाँ तिरेर बुकिङ गर्न सकिनेछ । च्यांग्राको पाँच हजार तिर्नुपर्नेछ । खल्ती वा इसेवा एपबाट पैसा तिर्न सकिनेछ ।
अनलाइनमा आएको बुकिङ अनुसार खाद्यले खसीबोका र च्यांग्रा ल्याउने छ । एक जनाले पाँचदेखि दशवटा सम्म बुकिङ गर्न सकिनेछ ।