Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
आइतवार, जेठ २४ गते २०८३
Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
बिहिवार , आश्विन ३०, २०८२
काठमाडौँ । जेनजी आन्दोलनको क्रममा प्रहरीले मारिएको घटनामा दुई जना अभियुक्तविरुद्ध जिल्ला अदालत काठमाडौँमा मुद्दा दर्ता भएको छ ।
जिल्ला प्रहरी परिसरको अनुसन्धानपछि जिल्ला सरकारी वकिल कार्यालयले बिहीबार दुई जनाविरुद्ध कर्तव्य ज्यानसहितका आपराधिक कसुरमा कारबाहीको माग गर्दै मुद्दा दर्ता गरेको हो ।
मुद्दा दर्ता भएका अभियुक्तमा काभ्रेपलान्चोकको रोशी गाउँपालिका ९ का २८ वर्षीय युवराज क्याप्छाकी र मकवानपुरको थाहा नगरपालिका ७ का २१ वर्षीय सोनाम तामाङ (बुद्धिलाल थिङ) रहेका छन्।
उनीहरूले प्रहरी जवान उत्तम थापाको हत्या गरेको आरोप छ। जवान थापा २०७३ सालदेखि नेपाल प्रहरीमा कार्यरत थिए र भदौ २४ गते सादा पोसाकमा ड्युटीमा खटिएका थिए।
जेनजी आन्दोलनकारीहरूले उनलाई प्रहरी कार्यालयको पछाडि लगेर क्रूर ढंगले आक्रमण गरी हत्या गरेको र मृतकको शव सडकमा प्रदर्शनकारीहरूले घिसारेर फालिदिएको अनुसन्धानमा उल्लेख छ। पछि नेपाली सेनाको टोलीले शव प्रहरी अस्पताल महाराजगन्जमा लगेकोथियो।
धाराप्रवाह अनुसन्धानका क्रममा, मृतकका काका ईश्वरसिंह थापाले जाहेरी दिएका थिए, जसका आधारमा प्रहरीले दुई जनाविरुद्ध मुद्दा दायर गरेको हो।
डीएसपीका अनुसार, जवान थापालाई कुटपिट गरेर हत्या गरिएको पुष्टि भएको छ। युवराज क्याप्छाकी मासु पसलमा डेलिभरी गर्ने काम गर्थे।
उनले प्रहरी कार्यालयमा तोडफोड, आगजनी, हिरासतमा रहेका कैदीको भागाइ र प्रहरीमाथि लाठी, रड, चक्कु, खुकुरी, ह्यामरजस्ता हतियारले आक्रमण गरेको स्वीकारेका छन्।
बुद्धिलाल थिङ टोखामा रहेको ब्रदर्स रेस्टुरेन्ट एन्ड स्नुकर हाउसमा कुकको काम गर्थे। उनले पनि प्रहरीलाई कुटपिट गरी हत्या गरेको कुरा स्वीकारेका छन्।
उनीहरूले घटना पुष्टि गर्ने भिडियो आफैले बनाएका थिए। साथै, प्रहरीले भिडिओको आधारमा उनीहरूलाई पक्राउ गरेको थियो। घटनापछि उनीहरू रेस्टुरेन्टमा लुकिछिपी बसेका थिए।
सरकारी वकिल कार्यालयले अभियोगपत्रमा ज्यान सम्बन्धी कसुर, आपराधिक उपद्रव र अन्य एकीकृत कसुरमा पनि कारबाही माग गरेको छ।
यसमा जीवनकैद सजाय र पीडित परिवारलाई क्षतिपूर्ति उपलब्ध गराउन पनि अनुरोध गरिएको छ।
© 2026 All right reserved to onlinenepal.com
Design & Developed By
