Jul 28 2026 | २०८३, श्रावण १२ गते
28 Jul 2026 | मंगलवार, श्रावण १२ गते २०८३
मंगलवार, श्रावण १२ गते २०८३
Jul 28 2026 | २०८३, श्रावण १२ गते
28 Jul 2026 | मंगलवार, श्रावण १२ गते २०८३
बिहिवार , कार्तिक ६, २०८२
काठमाडौं । यमपञ्चकको पाँचौं दिन, भाइटीका पर्व आज देशभर हर्षोल्लासपूर्वक मनाइँदै छ।
दिदीबहिनीहरूले दाजुभाइको दीर्घायु, आरोग्य र समृद्धिको कामना गर्दै श्रद्धा, आस्था र स्नेहका साथ पञ्चरंगी वा सप्तरंगी टीका लगाई मनाउँदै छन्।
भाइटीकामा दिदीबहिनी र दाजुभाइबीचको मायाममत्व झल्किने नेपाली समाजको एउटा महत्वपूर्ण सांस्कृतिक परम्परा जीवित रहँदै आएको छ।
यस विशेष अवसरमा दिदीबहिनी नहुने दाजुभाइहरूका लागि काठमाडौंको ऐतिहासिक रानीपोखरीस्थित बालगोपालेश्वर मन्दिरआज खुला गरिएको छ।
वर्षको यही एक दिन मात्रै खुल्ने यो मन्दिरमा आज बिहानैदेखि टीका, मालासहितका भक्तजनको भीड लागेको छ। दिदीबहिनी नभएका दाजुभाइहरूले यहाँ पुगेर भगवान् विष्णुको पूजा अर्चना गर्दै भाइटीका ग्रहण गरेका छन्।
रानीपोखरीको बीचमा रहेको बालगोपालेश्वर मन्दिर धार्मिक तथा सांस्कृतिक दृष्टिले अत्यन्त महत्वपूर्ण मानिन्छ।
© 2026 All right reserved to onlinenepal.com
Design & Developed By
