इस्लामाबादका एसपीको गोली हानी हत्या

अनलाइन नेपाल

शुक्रवार , कार्तिक ७, २०८२

एजेन्सी । पाकिस्तानको राजधानी इस्लामाबादमा प्रहरी सुपरिटेन्डेन्ट (एसपी) आदिल अकबरको रहस्यमय ढंगले मृत्यु भएको छ ।

शुक्रबार साँझ उनको निजी कारभित्र गोली लागेर मृत्यु भएको इस्लामाबाद प्रहरीले पुष्टि गरेको छ ।

प्रहरीका प्रवक्ताका अनुसार एसपी अकबर कन्स्टिट्युसन एभिन्यू हुँदै आफ्नो कार्यालयतर्फ जाँदै गर्दा कारभित्रै गोली लागेर निधन भएका हुन् । “घटनाबारे विस्तृत अनुसन्धान जारी छ,” प्रवक्ताले भने ।

इस्लामाबादका प्रहरी महानिरीक्षक (आईजी) अली नासिर रिजवीका अनुसार घटना साँझ करिब ४ः३० बजे कन्स्टिट्युसन एभिन्यूमा भएको हो । प्रारम्भिक अनुसन्धानमा कार बाहिरबाट कुनै गोली चलेको प्रमाण फेला परेको छैन ।

उनका अनुसार मृतक एसपीको मोबाइल फोन हाल लक गरिएको अवस्थामा फेला परेको छ र त्यसको फोरेन्सिक परीक्षण गरिने तयारी भइरहेको छ। अनुसन्धान टोलीले घटनास्थलमा विस्तृत प्रमाण संकलन सुरु गरेको छ।

सम्बन्धित न्युज

सप्तरीमा पुजारीको गोली हानी हत्या, अनुसन्धान गर्दै प्रहरी

प्रतिक्रिया दिनुहोस्

नयाँ अपडेट

थप नयाँ अपडेट

इस्लामाबादका एसपीको गोली हानी हत्या