एजेन्सी । इराकका अधिकारीहरूका अनुसार बगदादमा रहेको अमेरिकी दूतावासको हेलिप्याडमा एउटा मिसाइल खसेको छ ।
मिसाइल दूतावास परिसरभित्र बनेको हेलिप्याडमा खसेको छ ।
इराकको राजधानी बगदादस्थित अमेरिकी दूतावास परिसरनजिकै रहेको सी–र्याम एयर डिफेन्स सिस्टमसँग सम्बन्धित एउटा युनिटलाई आज मिसाइलले निशाना बनाएको हो ।
अहिलेसम्म यस हमलाको जिम्मेवारी कुनै पनि समूहले लिएको छैन ।
यद्यपि, इरान समर्थित सशस्त्र समूह इस्लामिक रेसिस्टेन्सले यसअघि पनि धेरैपटक इराकमा रहेका अमेरिकी ठेगानाहरू, सैन्य अखडा र हितहरूलाई निशाना बनाउँदै आएका छन् ।
यो संगठन धेरै इरान समर्थित इराकी मिलिसिया समूहहरूको गठबन्धन हो । यी समूहहरूले इरानका पूर्वसर्वोच्च नेता अली खामेनीईको मृत्युको बदला लिने कसम समेत खाएका छन् ।