Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
सोमवार, श्रावण ११ गते २०८३
Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
सोमवार , श्रावण ११, २०८३
काठमाडौं । सुनसरीमा गएराती भएको तनाव र मानवीय क्षतिपछि आवश्यक निर्णय लिन केन्द्रीय सुरक्षा समितिको बैठक सुरु भएको छ ।
घटनाको छानबिनका लागि ५ सदस्यीय समिति गठनसँगै सिंहदरबास्थित गृह मन्त्रालयमा केहीबेरदेखि केन्द्रीय सुरक्षा समितिको बैठक बसेको हो ।
गृह मन्त्रालयको अध्यक्षतामा हुने केन्द्रीय समितिमा गृहसचिव, नेपाल प्रहरीका प्रहरी महानिरीक्षक, सशस्त्र प्रहरी बलका महानिरीक्षक, राष्ट्रिय अनुसन्धान विभागका मुख्य अनुसन्धान निर्देशक र नेपाली सेनाका प्रतिनिधि सहभागी छन् ।
उनीहरुले सुनसरी घटनासहित देशको समग्र शान्ति सुरक्षाको अवस्था विश्लेषण गर्दै आवश्यक रणनीति बनाउने बताइएको छ ।
सुनसरीको देवानगञ्ज गाउँपालिका–३, कप्तानगन्जमा दुई समूहबीचको विवाद नियन्त्रणमा लिने क्रममा प्रहरीले चलाएको गोली लागेर गएराति एक जनाको मृत्यु भएपछि अहिले स्थानीय प्रशासनले कर्फ्यू आदेश जारी गरेको छ ।
कर्फ्यू उल्लङ्घन गर्दै सुनसरीका विभिन्न स्थानमा विरोध प्रदर्शन भएको छ । सुनसरीको सो घटनापछि गृहमन्त्री सुधन गुरुङले सुरक्षा प्रमुखहरुसँग आज मन्त्रालयमा छलफल आयोजना गरेका थिए ।
सो छलफलपछि सुनसरी घटना छानबिनका लागि गृहमन्त्रालयका सहसचिव भुपेन्द्र थापाको संयोजकत्वमा ५ सदस्यीय समिति गठन गरिएको छ ।
छानबिन समितिलाई प्रतिवेदन बुझाउन एक हप्ताभित्र म्याद दिइएको छ ।
स्रोतका अनुसार बैठकले सुनसरीका प्रमुख जिल्ला अधिकारी (सस्डीओ) वासुदेव घिमिरेलाई मन्त्रालय तान्ने सम्भावना छ । तनाव रोक्न नसकेको तथा गोली चलेको विषयमा कमजोरी औँल्याएर उनलाई हटाउन लागिएको हो ।
त्यस्तै सुनसरीका प्रहरी प्रमुख एसपी केशव कुमार थेबेको भूमिकालाई लिएर पनि समीक्षा हुने र आवश्यक निर्णय लिइने प्रहरी स्रोतले अनलाइन नेपालसँग बतायो ।
मानव अधिकार आयोगले यसअघि नै सरकारलाई सुनसरीमा शान्तिसुरक्षा कमजोर भएको भन्दै मजबुत बनाउन निर्देशन दइसकेको छ।
© 2026 All right reserved to onlinenepal.com
Design & Developed By
