काठमाडौं । डा.बाबुराम भट्टराई र उनका सहयोगी विश्वदीप पाण्डेले लेखेको ट्वीटको आधारमा तत्कालीन समाजवादी पार्टी नेपालका सांसद डा. सुरेन्द्र यादवको अपहरण उजुरी दर्ता गर्न महानगरीय प्रहरी परिसर टेकुले अस्वीकार गरेको छ ।

उजुरी दिन बाबुरामको नेतृत्वमा उपेन्द्र यादव, राजेन्द्र महतो, हिसिला यमि,अपहरणमा परेका भनिएका सांसद सुरेन्द्र यादवलगायत परिसर पुगेका थिए । तर, प्रहरीले घटना भएको भनिएको जिल्ला महोत्तरी जान सुझाव दिएपछि उनीहरु फर्केका थिए।

जाहेरी दर्ता गर्न जाँदा पनि बाबुरामले मिडियालाई बोलाएर ‘स्क्यान्डल’ मच्चाएको  हुँदा उनको भूमिका संकास्पद देखिन्छ।  उनी हूल बाँधेर काठमाडौं प्रहरी परिसर टेकुमा पुगेका थिए । बाबुरामहरुलाई पहिले नै थाहा थियो– राजनीतिक विवादको विषयलाई आधार बनाएर अपहरणको आरोप लगाउँदा जाहेरी दर्ता हुँदैन ।

दर्ता नै नहुने खालको जाहेरी बोकेर जाने, दर्ता नभएपछि त्यसैलाई ईश्यू बनाएर फन्डा मच्चाउने बाबुरामको रणनीति प्रस्ट रहेको देखिन्छ ।