काठमाडौं । लकडाउनका बेला रविभवनमा भएको दुर्घटनामा परी एक जना मोटरसाइकल चालकको ज्यान गएको छ ।

नेपाली सेनाका प्रमुख सेनानीले चलाएको कारले मोटरसाइकललाई ठक्कर दिंदा एक जनाको ज्यान गएको हो ।

कलंकीबाट कालिमाटीतर्फ आइरहेको कारले कालिमाटीबाट कलंकी तर्फ जाँदै गरेको मोटरसाइकललाई ठक्कर दिएको थियो ।

कारका चालक प्रमुख सेनानी शिखर राणा चलाएको बा२१च ४३४७ कार र मोरङ घर भएका २३ वर्षीय टीकाराज गेलाल बा७२प ८१७२ नम्बरको मोटरसाइकल एक आपसमा जुध्दा गेलालको ज्यान गएको हो ।

कुखुराको मासु बोकेर आएका गेलालको दुर्घटनामा परी मृत्यु भएपछि कारका चालकलाई प्रहरीले नियन्त्रणमा लिएको छ ।