काठमाडौं । वाग्मती प्रदेश जनस्वास्थ्य प्रयोगशालाका निर्देशक डा. नारायण कार्कीले काठमाडौं प्रहरी परिसरमा जाहेरी दिएका छन् ।

डा. कार्कीले आफूमाथि दुर्व्यवहार गरेको आरोपमा काठमाडौं चन्द्रागिरिका उत्तम कार्कीविरुद्ध जाहेरी दिएका हुन् ।

काठमाडौं प्रहरी प्रमुख एसएसपी श्यामलाल ज्ञवालीले अभद्र व्यवहार गर्ने युवकलाई नियन्त्रणमा लिइसकेको र पीडितका तर्फबाट सोमबार बिहान जाहेरी परेको बताए ।

शुक्रबार बिहान हेटौंडाबाट काठमाडौं आउँदै गरेका डा. कार्कीलाई नागढुंगामा गाडी रोकेर ति युवाले दुव्र्यवहार गरेका थिए ।

सवारी पास नबोकेको भन्दै डा. कार्कीलाई प्रहरीले रोकेको बेला
ती युवकले डा. कार्कीको झोला खानतलासी गर्नुका साथै अनधिकृत रुपमा केरकार गरेका थिए ।

केही बेरको भनाभन परेपछि डा. कार्की काठमाडौं नआई हेटौंडा फर्किएका थिए ।

यद्यपी प्रहरीले भने हिजो (आइतबार) नै ती युवकलाई नियन्त्रणमा लिइसकेको छ ।