काठमाडौं । काठमाडौंकाे महानगरीय प्रहरी वृत्त, कालिमाटीमा कार्यरत सुरक्षाकर्मीलाई पनि कोरोना भाइरसको संक्रमण देखिएको छ । कालिमाटी वृत्तमा कार्यरत एक जना सई र जवानलाई कोरोनाको संक्रमण पोजेटिभ देखिएको नेपाल प्रहरी उच्च स्रोतले जनाएकाे छ।

स्रोतका अनुसार यसबारे स्वास्थ्य मन्त्रालयले मंगलबार यसबारे प्रहरीलाई जानकारी गराइसकेको छ । उनीहरुको चार दिनअघि पीसीआर परीक्षण गरिएको थियो । मंगलबार बस्न दुवै प्रहरी कर्मचारी ब्यारेकमै बसेका थिए । ब्यारेकमा ९० जना बस्ने गरेका छन् । बुधबारबाट सबैको पीसीआर परीक्षण थाल्ने तयारी भइरहेको स्रोतको दाबी छ ।

त्यस्तै समुदायमा प्रवेश गरेको कोरोना भाइरसको संक्रमण तीनवटै सुरक्षा निकायमा याे सहित १० जनामा देखिएको हाे ।

बिशेष गरी तराईका जिल्लामा कार्यरत सुरक्षाकर्मी उक्त संक्रमणकोबाट संक्रमित भएको पाइएको छ । यसअघि नेपाल प्रहरीका तीन, नेपाली सेनाका २ र सशस्त्र प्रहरी बलका ३ जना संक्रमित भएका छन् ।