काठमाडौं । आज (बुधबार) थप ६९ जनामा कोरोना पुष्टि भएको छ । जसमध्ये सबैभन्दा बढि रौतहटमा ३५ जना कोरोना संक्रमित थपिएका छन् ।

त्यसैगरी झापामा १७, बारामा ८, बाग्लुङमा ६, सिराहामा २ र मकवानपुरमा १ जनामा कोरोना पुष्टि भएको हो ।

रौतहटको इशनाथका १६, गौरका ८, गढीमाई नगरपालिकाका ७, देवाही गोनाही नगरपालिका र कटहरीया नगरपालिकाका २÷२ जनामा संक्रमण पुष्टि भएको हो ।

त्यसैगरी झापाको केचनकवल गाउँपालिकाका १५ र गौरादह नगरपालिकाका २ जनामा कोरोना पुष्टि भएको हो भने बाराको पचरौता–१ स्थित पीपरपाती मावि क्वारेन्टाइनमा रहेका ८ जनामा संक्रमण पुष्टि भएको हो ।

त्यस्तै बाग्लुङको बढीगाड गाउँपालिकाका १९ र २० वर्षका २ र तमनखोला गाउँपालिकाका २१, २७, २७ र २१ वर्षका चार युवामा कोरोना पुष्टि भएको हो ।

सिराहाको सिद्धिचरण १० का ३९ वर्षीय पुरुष र रुपाली २ का ३५ वर्षीय पुरुषमा पनि कोरोना संक्रमण पुष्टि भएको छ भने मकवानपुरकी संक्रमित २५ वर्षीया युवती चितवनबाट गत जेठ ९ गते घर(हेटौंडा) पुगेकी थिइन्।