जनकपुरधाम । प्रदेश २ मा थप ७४ जना कोरोना भाइरस संक्रमित थपिएका छन्।
प्रदेश २ मा बिहीबार ७४ जना कोरोना भाइरसबाट संक्रमण पुष्टि भएको स्वास्थ्य निर्देशनालय प्रदेश २ का वरिष्ठ प्रशासकीय अधिकृत तथा सूचना अधिकारी विजय झाले जानकारी दिएका छन्।
बिहीबार पुष्टि हुनेमा सबैभन्दा बढी धनुषामा २९ जना, महोतरीमा १७ जना, सप्तरीमा १२ जना, सर्लाहीमा ७ जना, सिरहामा ६ जना र रौतहटमा ३ जनामा संक्रमण पुष्टि भएको झाले बताए। यसभन्दा पहिले बुधबारमात्र प्रदेश २ मा ५८ जनामा कोरोना संक्रमण पुष्टि भएको थियो । योसँगै प्रदेशमा संक्रमितको संख्या ४०० पुगेको छ ।
Leave a Reply