काठमाडौं । जनप्रतिनिधि नै देश र जनताको सुरक्षामा खटिएको प्रहरीविरुद्ध उत्रिएको भन्दा तपाई हामीलाई पत्यार नलाग्न सक्छ । ्
तर, रुकुम पश्चिमको मुसीकोट नगरपालिका–१४ छिवाङ ज्युलामा यस्तै घटना भएको् छ ।
ज्युलामा रहेको अस्थायी प्रहरीचौकीमा मंगलबार १३ नम्बर वडाध्यक्ष दीपक केसीसहितको टोलीले तोडफोड गरेको हो ।
मोटरसाइकलमा आएका केसी सहितको टोलीले जाँचका लागि राखिएको ढाट हटाउन प्रहरीले ढिलाइ गरेको भन्दै मंगलबारबेलुकी ८ बजेतिर आक्रमण गरेको हो ।
पहिले प्रहरीसँग झगडा गरेका केसीले पछि झण्डै २ दर्जन युवाहरुलाई बोलाएर तोडफोड गर्न लगाएको प्रहरीको भनाई छ ।
चौकी इन्चार्ज असई धनबहादुर साउदले चौकीमा ढुंगामुढा गरेको बताए । हिजोको आक्रमणपछि बुधबार बिहानदेखि प्रहरी डिउटीमा छैनन् ।
घटनालगत्तै जिल्ला प्रहरी कार्यालय, प्रहरी चौकी सोलावाङ, प्रहरी चौकी सिम्लीको संयुक्त टोली छिवाङ पुगे पनि वडाध्यक्षसहित आक्रमणमा संलग्न अन्यलाई भेटाउन नसकेको प्रहरीले जनाएको छ ।
Leave a Reply