काठमाडौं । सरकारले लकडाउनका कारण विदेशमा समस्यामा परेका नेपालीहलाई ल्याउनका लागि तयार गरेको आजको उडान नै रोकिएको छ ।

संयुक्त अरब इमिरेट्स (यूएई) बाट शुक्रबार नेपालीलाई ल्याउने भनिएको पहिलो उडान रोकिएको हो ।

यूएईले आफ्नै खर्चमा एयर अरेबियाका आठ उडानमार्फत अलपत्र नेपालीलाई पठाउने तालिकासहितको प्रस्ताव पठाएकोमा संस्कृति, पर्यटन तथा नागरिक उड्डयन मन्त्रालयले बिहीबार अनुमति दिएको थियो ।

पहिलो उडान शुक्रबार साँझ ६ बजे त्रिभुवन विमानस्थलमा अवतरण हुने भनिएको थियो ।

तर, अन्तिम समयमा आएर यूएईका अधिकारीहरूले उडानसँग सम्बन्धित केही विषय अझै प्रस्ट हुन बाँकी रहेको दूतावासलाई बताएपछि उडान रोकिएको बताइएको छ ।

१ सय ६८ जना सिट क्षमताको विमानमा नेपालीलाई पठाउने तयारी थियो ।