काठमाडौं । पछिल्लो २४ घण्टामा काठमाडौं उपत्यकामा ६ जनामा कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार नयाँ संक्रमितहरुमा भक्तपुरका ३ जना, काठमाडौंका २ जना र ललितपुरका एक जनामा संक्रमण पुष्टि भएको हो ।
भक्तपुर व्यासीका २४ वर्षीय पुरुष, टीकाथलीका ५० वर्षका पुरुष र भक्तपुर नगरपालिका–१६ का २२ वर्षका पुरुषमा कोरोना पोजेटिभ देखिएको बताइएको छ ।
त्यसैगरी काठमाडौंको कपन बालुवाखानीका ४५ वर्षका पुरुष र काठमाडौं तीनकुनेकी ३४ वर्षकी महिलामा पनि संक्रमण पुष्टि भएको छ ।
तर, ललितपुरका संक्रमितबारे भने केही खुलेको छैन ।
यद्यपी स्वास्थ्य मन्त्रालयका प्रवक्ता जागेश्वर गौतमले भने काठमाडौं उपत्यकामा भेटिएका संक्रमितको ठेगाना नखुलेको जानकारी गराएका छन् ।
उपत्यकामा भेटिएका ६ जना संक्रमितमध्ये ४ जनालाई पाटन अस्पताल, १ जनालाई शुक्रराज ट्रपिकल तथा सरुवा रोग अस्पताला र बाँकी १ जनालाई सशस्त्र प्रहरी बल अस्पताल बलम्बुमा लगिएको छ ।
Leave a Reply