काठमाडौं। सरकारले आज नेपाल प्रहरीको नयाँ महानिरीक्षक नियुक्ती गर्ने भएको छ । आईजीपी नियुक्तिलगायतका बिषयको निर्णयका लागि  प्रधानमन्त्री केपी शर्मा ओलीले अपरान्ह मन्त्रिपरिषद् बैठक बोलाएका छन् ।

नयाँ आईजीपीका लागि एआईजीद्वय शैलेश थापा क्षत्री र हरि पालबीच प्रतिस्पर्धा चलेको छ। थापा संगठनमा इमान्दार अधिकृतका रुपमा चिनिएका छन् भने पाललाई कमाण्ड कन्ट्रोलमा अनुभवी मानिन्छ।

आईजीपी ठाकुर ज्ञवालीले ३० वर्षे सेवाका कारण बुधबारदेखि अनिवार्य अवकाश पाउँदैछन् ।  ज्ञवालीसँगै एआईजी तारिणीप्रसाद लम्साल र डीआईजी सूर्यप्रसाद उपाध्यायले पनि अवकाश पाउँदैछन् ।

नयाँ आईजीपीले २०७९ बैशाख १७ गतेसम्म नेतृत्व सम्हाल्नेछन् ।  क्षत्री र  पाल जो आईजीपी  भएपनि एकले अर्कालाई सहयोग गरेर अघि बढ्ने वताउँदै आएका छन्।

दुबै एआईजीलाई प्रधानमन्त्री केपी शर्मा ओलीले केही दिन अघि छुट्टाछुट्टै बोलाएर छलफल गरिसकेको बालुवाटार स्रोतले वतायो।