काठमाडौं । महानगरीय प्रहरी वृत थानकोटले गुर्जुधारास्थित यातायात व्यवस्था कार्यालयबाट ४ जना दलाललाई पक्राउ गरेको छ । यातायात कार्यालय पुगेका सेवाग्राहीलाई छिटो काम सम्पन्न गरिदिन्छु भन्दै सार्वजनिक सडकमै सर्वसाधरण सेवाग्राहीलाई हैरानी दिने ४ जना ब्यक्तिलाई पक्राउ गरिएको महानगरीय प्रहरी वृत थानकोटले जनाएको छ ।

पक्राउ पर्नेहरुमा चम्पादेवी–४ ओखलढुंगाका वर्ष ३० को पुष्कर कटुवाल, हरीहरपुर–७ धनुषाका बर्ष ३० का बिमल लामा, रोराङ–६ धादिङका बर्ष २६ का बिनोद पुलामी र मर्स्याङदी–२ लम्जुङका बर्ष २६ का उज्जवल गुरुङ रहेका छन् ।

महानगरिय प्रहरी परिसरले सेवाग्राहीहरुसँग कमिशन रकम माग गरीरहेको अवस्थामा पक्राउ परेका उनीहरुमाथि कानुनी प्रकृया अगाडी बढाइएको जनाएको छ ।