काठमाडाैं । भारतीय चलचित्रकी चर्चित अभिनेत्री रकुल प्रीत सिंहले ड्रग्सको मुद्दामा आफ्नो नाम जोडिएकाे भन्दै अदालत गुहारेकी छिन् ।

दिल्लीको उच्च न्यायलमा उजुरी दिदै रकुलले आफ्नो नाम जर्बजस्ती प्रयोग गरिएको र यसमा मिडिया ट्रायल भैरहेको भन्दै आपत्ती जनाउदै मिडिया ट्रायल तत्काल रोक्न माग गरेकी छिन् ।

नायिका रिया चक्रवर्तीले नारकोटिक्स कन्ट्रोल ब्यूरोको दबाबमा आएर आफ्नो नाम लिएको समेत रकुलको तर्क छ । रकुलले आफ्नो नाम बदनाम गरिरहेका न्यूज मिडियालाई कारवाहीको समेत माग गरेकी छिन् ।

रकुलको उजुरीपछि अदालतले भारतको केन्द्र सरकारसँग यसको जवाफ मागेको छ । मिडियाले पनि रियाको मुद्दामा रकुलसँग सम्बन्धित बिषयलाई ध्यान दिएर प्रशारण गर्ने अपेक्षा पनि गरेको छ ।

केही दिनदेखि मिडियामा साराअली खान, रकुल प्रीत जस्ता कलाकारको नाम रियाले आफ्नो बयानमा लिएको भन्दै खबर प्रशारण भैरहेका छन् । तर, एनसीबीका निर्देशक केपीएस मल्होत्राले यो कुराको खण्डन गर्दै रियाले कुनै कलाकारको नाम नलिएको उल्लेख गरेका थिए ।