काठमाडौं । पार्टी भित्र विवाद उत्कर्षमा पुगेको बेला सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ प्रधानमन्त्री केपी शर्मा ओलीलाई भेट्न बालुवाटार पुगेका छन् ।

प्रधानमन्त्री निवास बालुवाटरमा अलिहे अध्यक्षद्वय ओली र दाहालबीच भेटवार्ता जारी छ । दुई अध्यक्षबीच विवाद चुलिएको र तीब्र ध्रुबीकरण चलिरहेका बेला भइरहेको भेटलाई महत्वका साथ हेरिएको छ ।

ओलीलाई भेट्न प्रचण्ड मध्यान्ह १२ बजे प्रधानमन्त्री निवास बालुवाटार पुगेका छन् । आईतबार सचिवालयका बहुमत सदस्यलाई खुमलटारमा बोलाएर प्रचण्डले ओलीले ‘सहमतिमै अलग हौं’ भन्ने प्रस्ताव राखेपछि जानकारी गराएसँगै नेकपाभित्रको पुरानो विवाद बल्झिएको हो ।

सचिवालय सदस्यहरुले ओलीसंग छलफल गरेर पार्टी बैठक बोलाएर समस्या सुल्झाउने सल्लाह दिएपछि अध्यक्षद्वयबीच आज भेट भएको हो ।

अध्यक्षद्वयबीच हिजो नै छलफल गर्ने सहमति भएपनि पूर्वसभामुख कृष्णबहादुर महराकी पत्नी सीताको निधन भएकाले भेट स्थगित गरेर आजका लागि सारिएको थियो ।