काठमाडौं। नेकपा माओवादी केन्द्रको स्थायी कमिटीको बैठक आज पनि बस्ने भएको छ।

बैठक बिहान ११ बजेपछि पार्टी केन्द्रीय कार्यालय पेरिसडाँडामा बस्ने छ । बैठकमा समसामयिक राजनीतिक विषयमा छलफल हुने बताइएको छ ।

मंगलबार बसेको स्थायी कमिटीको बैठकले पार्टीको केन्द्रीय कमिटी बैठक यही फागुन २९ गते बोलाउने निर्णय गरेको थियो । चैत १ गते भने कार्यकर्ता भेला जिल्लास्तरमा गर्ने निर्णय गरेको छ।

संसद सञ्चालन, सरकार गठन र अन्य राजनीतिक प्रक्रियाबारे संसद्को प्रमुख प्रतिपक्षी दल नेपाली कांग्रेस र अर्को प्रतिपक्षी दल जनता समाजवादी पार्टी (जसपा) नेपालसँग छलफल, वार्ता र परामर्श गर्ने निर्णय पनि माओवादी केन्द्रले गरेको छ।

सत्तारूढ नेकपा एमालेसँग भने आवश्यकता अनुसार मात्रै वार्ता गर्ने पार्टीले जनाएको छ।