काठमाडौं । घरयासी विवादका कारण चार सन्तानसहित कर्णाली नदीमा हाम फालेर आत्महत्या गरेकी सुकी बडुवालसहित तीन सन्तानको सामूहिक दाहासंस्कार गरिएको छ भने सबैभन्दा सानी छोरी अझै बेपत्ता छिन् ।
बुधबार साँझ कर्णाली नदीको तीरमा आमा सुकी र तीन छोराछोरीको दाहसंस्कार गरिएको हो ।
आमा सुकी बडुवालको शव जलाईएको हो भने उनकी १५ वर्षीया छोरी कल्पना, १२ वर्षीया सरिता र ८ वर्षीया छोरा ललितको शव गाडिएको छ ।
दाहसंस्कार स्थलमा उनका श्रीमान मानसिंह बडुवाललाई पनि ल्याइएको थियो । मानसिंह थप अनुसन्धानको लागि जिल्ला प्रहरी कार्यालय अछामको हिरासतमा रहेका छन् ।
६ वर्षीया बालिका रजनी बडुवालको अवस्था अझै अज्ञात रहेको प्रहरीले जानकारी दिएको छ ।
पश्चिम दैलेखको आठबीस नगरपालिका–३ निमायलकी सुकीले पारिवारीक तनावका कारण सोमबार चारसन्तान सहित कर्णाली नदीमा हाम फालेकी थिइन् ।
Leave a Reply