काठमाडौं । सर्वोच्च अदालतले नेकपाको एकतालाई खारेज गरेर नेकपा एमाले र नेकपा माओवादी केन्द्रलाई ब्यूँताएपछि माओवादीको भातृ संस्था योङ कम्युनिष्ट लिग नेपाल (वाइसिएल) पनि ब्यूँतिएको छ ।

सर्वोच्चले माउ पार्टी व्यूँताएपछि चैत ४ र ५ गते काठमाडौंमा बसेको वाईसीएल नेपाल केन्द्रीय समितिको चौथो पूर्ण बैठकले आउँदो जेठ २८ देखि ३० गतेसम्म राष्ट्रिय भेला गर्ने निर्णय गरेको हो।

भेलाले नयाँ नीति र नेतृत्व चयन गर्ने बताइएको छ ।

संगठनलाई चलायमान गराउनका लागि भन्दै राष्ट्रिय भेला अगावै टोल कमिटीदेखि प्रदेश कमिटीसम्मका भेलाहरु आयोजना हुने र राष्ट्रिय भेलाका प्रतिनिधिहरु प्रदेश भेलाबाट चुनिएर आउने वाइसिएलका सचिव पुष्प ओलीले बताए ।