प्रहरीलाई चलाउन भन्दै मनाङेले मागे गृह मन्त्रालय, गठबन्धन फकाउने प्रयासमा

प्रहरीलाई चलाउन भन्दै मनाङेले मागे गृह मन्त्रालय, गठबन्धन फकाउने प्रयासमा

अनलाइन नेपाल
  • शनिबार, जेष्ठ २९ २०७८

  • 9.1K
    SHARES

    प्रहरीलाई चलाउन भन्दै मनाङेले मागे गृह मन्त्रालय, गठबन्धन फकाउने प्रयासमा

    काठमाडौं । पृथ्वीसुब्बा गुरुङको सरकारमा युवा तथा खेलकुद मन्त्री बनेर पनि विपक्षी गठबन्धनलाई बहुमत पुर्‍याउन निर्णायक बनेका राजीव गुरुङ उर्फ दीपक मनाङेले आन्तरिक मामिला तथा कानुन मन्त्रालय (गृहमन्त्री)मा दाबी गरेका छन् । यद्यपी मन्त्री पदमा रहेकै बेला विपक्षी गठबन्धनमा लागेपछि उनलाई गुरुङले बर्खास्त गरेका थिए ।

    गण्डकी प्रदेशमा कांग्रेस नेतृत्वमा बन्न लागेको सरकारमा मनाङेले गृहमन्त्रीमा दाबी गरेका हुन्। नेपालीलाई मुख्यमन्त्री बन्नका लागि मनाङेको समर्थन निर्णायक बनेको छ । प्रदेश प्रमुख सीता पौडेलले दिएको समय आज ३ बजे सकिएपछि कांग्रेसका कृष्णचन्द्र नेपाली मुख्यमन्त्री बन्दैछन् ।



    कांग्रेस र माओवादी गठबन्धनका नेताहरुसँगको छलफलमा उनले आफूलाई गृह नभए अर्थ तथा योजना मन्त्री चाहिने बताएका छन् ।

    मनाङेमाथिको ज्यान मुद्दा सर्वोच्च अदालतमा विचारधीन रहेकै बेला मनाङेले अरु मन्त्रालयमा बसेर काम गर्न नसकिने भन्दै प्रहरी चलाउन गृहमन्त्री हुन चाहेको निकस्थहरुलाई बताएका छन् ।

    अहिले पनि प्रहरीले आफूलाई राम्रो नजरले नहेर्ने गुनासो गर्दै उनले गृहमन्त्रीमै दावी गरेका हुन् । यद्यपी गठबन्धनले भने उनलाई अरु मन्त्रालयमा मनाउन प्रयास गरिरहेको छ। पोखरेलले शुक्रबारै बहुमतसहित मुख्यमन्त्रीमा दाबी पेश गरेका थिए।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार